Tajwe'n lqaq' q'ej yi qayol, nin tajwe'n chan xe'ttzaj le talma' jujun wunaq yi najlij le qakmonil, naj elpont yi kye'l junt ltz'a'lontzaj sqetz bi tajwe'n lqaban tan kolche'n nin tan xkonse'n qayol, o'te'tz sqe'j. yi qo naj qapeq' te' yi qapuntil o qatanum, o' ta'onintz tan xkonse'n, si'ile'n, yolche'n ejnin stz'ibe'n yi tirku'n chipuntil e' qaky'e'x.
Nataltzaj jun yol yi ntinkuntu' jun q'u'j wunaq yi kyil tz'ok il te'j yi yol nin puntil kmon xtx'aqxaq tetz koboxintzi' yob, nin chan at le chiq'ab tirku'n e' chusolkyetz nitxa yi qo ltz'ok il tan xkonse'n na'tkuntu's yi yol.
Matzun jalu', ala' kmon naja'w yi yol Chalchiteko nqo Awakateko kya'n, ntintu'bin kyi najtaj cho'n lqakyajkyentu's, at ala' aq'un yi tajwe'n lqaban tirku'n o', cho'n nataj lxe'tij xe qaka'l, tz'iky'pon le skwe'lbil/chusu'nbil, nin "xchixo'l kmon, nin qo lqaxkye' tan na'wse'n yi wunaq tan xkonse'n yol, na'tkuntu's bena't xkonq ta'n tetz tetz nin staq'e' q'ej yi qayol nin qapuntil o qatanum, cho'ntzun skyaqkyen tqaq'ab tirku'n o' tan qaxe'ta'n tan stzibe'n nin tan molchen tirku'n e'ch chitxumu'n e' qaky'e'x.
Jun Yos tetz Kyeru', nin qu nakyaju' chitz'ibu' chitxumu'nu' le jun pi"x txumu'ne'j at ama'l tetz kyeru'. Tyo"xtu'.
